Grüessech zäme

Scho ändi Ouguscht u gli fat dr Herbscht a. Mir hei Uftritte gha am Bärgfrüehligsfescht uf Männliche u a vielne Folkoreabende ds Wenge. Äbefalls si mir fliessig am probe füre Jodlerabe.
Zum Jodlerabe gits Nöikeite. Wi scho mitteilt findet dr Jodlerabe am 10. Oktober, ab 20.15 Uhr, ds Luterbrunne im Gmeindssaal Hohstäg statt. Teilnähmerzahl isch beschränkt. Drum si mir zwunge e Platzreservation ds mache. Dir chöit abem 21. Septämber jewils am Mäntig, Dsischtig u Mittwuch, ab 19.00 Uhr, e Reservation mache. Telefonnummer isch 033 855 26 34 (Whatsapp wärde nid akzepiert). Mir danke vilmal fürs Verständnis u fröie üs ufene tolle Jodlerabe mit Öich.

Häbets guet u gueti Zyt.  

Liebi Jodlergrüess vor Jodlergruppe Wenge